भावीकांनी पूजाविधीसाठी कार्यालयाशी संपर्क साधावा, संपर्क क्र. ०२४२८-२३२१००, २३२०००, ७७४४९२०२२२
पूजा पद्धती
शक्‍तीपीठ श्री क्षेत्र मोहटादेवीगड येथे पूजा विधी पद्धतीखालील प्रमाणे आहेत.
| अ.क्र. | पूजा, अर्चा, पाठ प्रकार | पूजा विधींचा तपशील |
| १ | राजोपचार पूजा | श्री मोहटादेवीची षोडशोपचार पूजा करुन सोळा श्री सुक्‍ताभिषेक होऊन पात्रासाधनादि यंत्राने उपचार व छत्र, चामर, गायन, महावस्‍त्र व महानैवेद्य पुरणपोळी पक्‍वान्‍नचा समर्पण करतात. |
| २ | महापूजा | श्री मोहटादेवीची षोडशोपचार पुजा करुन पुरुषसुक्‍त, पवमान, रुद्र, श्रीसुक्‍त, देवी अथर्वशीर्षमंत्रानेअभिषेक करतात. |
| लघुरुद्र, लघु पवमान, अभिषेक होऊन महावस्‍त्र व महानैवद्य समर्पण केला जातो. | ||
| ३ | श्री सप्‍तशती पाठ अनुष्‍ठान | विधी व संकल्‍पयुक्‍त नवचंडी, शतचंडी, अयुतचंडी सहस्‍त्रचंउी, लक्षचंडी महायज्ञ केला जातो. |
| ४ | श्री सुक्‍त अनुष्‍ठान | विधीयुक्‍त १६, १६००, एक लक्ष अशा संख्‍येने पाठ करुन दशांश हवन केले जाते. |
| ५ | योगीनी देव देवता विधिवत् पूजन | चौसष्‍ट योगीनी, दशमहाविद्या, अष्‍टभैरव या देवतांची संकल्‍प व विधी न्‍यास ध्‍यानपूर्वक पूजा करुन मूळमत्रांनी हवन केले जाते. |
| ६ | अर्चन | श्री मोहटादेवी उत्‍सवमुर्तीस पूजा अभिषेक करुन सौभाग्यद्रव्य फल, पुष्‍प, नाणी आदिद्रव्‍य सहस्‍त्रनामोच्‍याराने अर्पण करतात. |
| ७ | जपानुष्‍ठान | नवार्णमंत्र, कार्योपयोगी मंत्र, विविध स्‍तोत्र, कवच इत्‍यादी मंत्राचे भक्‍तांचे इच्‍छेनुसार जपानुष्‍ठान विधिवत करतात. |
| ८ | पूजा | भक्‍तांच्‍या संकल्‍पानुसार मंदीराच्या पाय-या चढणे, मंदीरास प्रदक्षिणा करणे, लहान मुलांचे जावळ काढणे पूजा भावीक भक्तिभावानेकरुन दानपेटीमध्‍ये दान अर्पण करतात. |
| ९ | परडी पूजन | श्री मोहटादेवीची परडी पीठ, शिधा, धान्‍य, खण, नारळ यांनी भरणे, हया वस्‍तु अर्पण करणे ही परडी पूजा आहे. |
| १० | गोंधळ जागरण पूजन | आराधी, गोंधळी यांचे द्वारा देवीचे गुणगाण चरित्र गायन श्रवण करुन महानैवेद्य समर्पन करतात. लग्‍नानंतर जोडीनेही पूजा केली जाते. चिंध्‍याचा मोठा काकडा करुन तेल घालून पेटविणे व आरती करणे यांस पोत पाजळणे म्‍हणतात व दीपमाळीस तेल अर्पण करणे ही गोंधळजागरण पोतदीप पूजा आहे. |
| ११ | अन्नदान सुवासिनी पूजन | श्री मोहटादेवीस साडीखण श्रीफळ, व नैवेद्य व दक्षिणा समर्पण करुन सुवासिनी व कुमारिकेची पूजा करतात आणि अन्नदान करतात. भावीक अन्नदानाची देणगी पावती घेतात, किंवा किरण साहित्य अर्पण करतात. व त्‍यांचे इच्‍छेनुसार अन्नदान केले जाते. शाश्वत अन्नदान योजना उपलब्ध असून भाविकांनी दिलेल्या दिनांकास अथवा तिथीस दरवर्षी अन्नदान केले जाते. |
| १२ | वस्‍तु समर्पण | श्री. मोहटादेवीस सुवर्ण सौभाग्‍य अलंकार, सोन्‍याचांदीचे पाळणे डोळे, गोळे, उपयोगी वस्‍तु दान पेटीमध्ये अर्पण करतात. |
| १३ | महादक्षिणा समर्पण पूजा | भावीक भक्‍त आपल्‍या संकल्‍प व इच्‍छेनुसार रोज आपल्‍या मिळकतीतून द्रव्‍य अर्पण करुन वर्षभरात जमले तेवढी रक्‍कम गडावर येऊन दानपेटीमध्‍ये अर्पण करतात किंवा देणगी पावती घेतात. |
| १४ | छबीना पूजन | आश्विन शु. एकादशीला मोहटा गांव ते श्री मोहटादेवीगड देवीची पालखीची मिरवणुक होते. यांस यात्रा सोहळा म्‍हणतात त्‍यावेळी पालखीस फुलाची चादर अर्पण करणे, भावीकांना चहा, पाणी फळ अर्पण करणे व महिलांनी पालखीपूढे पदराने वाट झाडणे यांस छबीना पूजन म्‍हणतात. |
| १५ | तांबूल पूजा | भावीकांच्‍या इच्‍छा व शक्‍तीनुसार नागवेलीच्‍या पानांचा शंभर, पाचशे, हजार अशा संख्‍येप्रमाणे षोडशगुनी तांबुल विडा अर्पण केला जातो |
| १६ | नामकरण संस्‍कार पूजा | बाळाचे बारसे नामकरण संस्‍कार गडावर देवीस साडी खण, श्रीफळ, देणगी, नैवेद्य समर्पण करुन केला जातो. |